謙善老師心窗亮話
謙善老師：「無自由，失自由」，寧願在江湖裏自由自在，作個笑傲江湖的人。
顧名思義，打開心窗說亮話。適值陰邪火熱季節，由2014年仲夏開始，於每月中旬發放一話，名為【武林盟主是怎樣煉成的】。借助一扇窗，以抒發眾人困鬱心事。
亮話，固然鏗鏘入耳；廢話，亦望贏得迴響。
第八話 係得定唔得，唔得啪忽得
順口溜，數白欖，忽然好有市場。武林中大俠女俠，堂主嘍囉進入一個你鬥我鬥的場面，個個大小擂台忽然噪音雷動。「係得定唔得，唔得啪忽得」、「一定要得」、「得就得，唔得就食忽得」。
謙善隱俠深諳江湖遊戲規則：各說各話，規則一時話得，一時又話唔得……各路人馬嗌嗌口號，各門各派就立場飄飄忽忽。其實，嗌嗌口號有乜用？無論用處有幾多，都只不過係搖旗吶威。
到最後，中土南海一吹鷄，頒布聖旨：「乜嘢都唔得」。
南方小島官府即派忽得，人人有份。於是，個個啪忽得。
嘩！藥效驚人：鎮靜催眠，長期濫用會導致肝臟和腎臟衰竭、記憶和思想受損、抑鬱或情緒波動、感迷惑和說話含糊……大肚婆食咗，第日會畸胎，週街多咗好多好多嘅「得得B」。
