第二話 武林第一兵器：打狗棒

謙善老師心窗亮話

謙善老師：「無自由，失自由」，寧願在江湖裏自由自在，作個笑傲江湖的人。

顧名思義，打開心窗說亮話。適值陰邪火熱季節，由2014年仲夏開始，於每月中旬發放一話，名為【武林盟主是怎樣煉成的】。借助一扇窗，以抒發眾人困鬱心事。

亮話，固然鏗鏘入耳；廢話，亦望贏得迴響。

第二話  武林第一兵器：打狗棒

                    

打狗棒不打義犬

打狗棒不打導盲犬

打狗棒不打人類忠心的朋友

打狗棒打的是落水狗、走狗、哈巴狗、兩面不是狗、吃中土飯菜嘅狗……

老師我乃21世紀南方小島丐幫一員，踏入65歲高齡，伸定手板拿取官府福利。眼見狗隻四處竄動，不得不從雜物堆中搵番支封哂塵嘅打狗棒出嚟，嚟一次打狗行動，打盡小島落水狗、走狗、哈巴狗、兩面不是狗、吃中土飯菜嘅狗……

• 第一隻要打嘅落水狗係洪幫幫主，佢長年坐鎮鐵秃崗，得中土南海護蔭穩坐幫主之位。他曾笑言行走江湖小子們，出遠門記得帶埋書僮妹仔服侍。

• 第二隻要打吃中土飯菜嘅狗係黑衣護法雙木大俠，同樣地佢又喺得到中土南海收編，竟然大言不慚公開宣示：中土南海好偉大。

• 一竇三隻哈巴狗（泯滅師太、銀髮師姑、珠花婆婆）近排四圍亂吠：武林盟主要用甚麼原則，用甚麼框架來選……主子吩咐只准吠兩三聲，牠們自必聽話吠兩三聲。

自甲午年（14）開始，吠聲處處，叫人心煩。各路丐幫弟子攞起您哋嘅打狗棒，各自各棒法（惡狗攔路、棒打雙犬、斜打狗背、撥狗朝天、獒口奪杖、棒打狗頭、反戳狗臀、棒挑癩犬、壓扁狗背、天下無狗），千祈咪手軟，齊齊打個落花流水罷！

謙善老師：您哋仲更加要練好身子，因為有排打，話唔埋有可能一直打到丁酉年添（17）！！！欲知後事如何，留待下回分解。